Ֆուտբոլի Իսպանիայի առաջնության 12-րդ տուրում Մադրիդի «Ռեալը» սեփական խաղադաշտում 5:1 հաշվով վստահ հաղթանակ տարավ Բիլբաոյի «Աթլետիկի» նկատմամբ:

Արքայական ակումբի կազմում դուբլի հեիղինակ դարձավ ֆրանսիացի հարձակվող Կարիմ Բենզեման: Իսպանացի պաշտպան Սերխիո Ռամոսը եւ Գերմանիայի ազգային հավաքականի խաղացողներ Մեսութ Օզիլն ու Սամի Խեդիրան աչքի ընկան մեկական անգամ: Բասկերի հեղինակության գնդակը 42-րդ րոպեին խփեց 23-ամյա կիսապաշտպան Իբաի Գոմեսը: Կրիշտիանու Ռոնալդուն մասնակցեց ամբողջ հանդիպմանը, բայց արդյունավետ գործողություններով աչքի չընկավ:

Ժոզե Մոուրինյոյի թիմը 26 միավորով եզրափակում է լավագույն եռյակը: Առաջատար «Բարսելոնան» ունի 34 միավոր, իսկ երկրորդ տեղում գտնվող Մադրիդի «Աթլետիկոն»՝ 28: Բիլբաոյի թիմը 14 միավորով 12-րդն է:

Իսպանիայի առաջնություն. 12-րդ տուր

«Ռեալ» - «Աթլետիկո»՝ 5:1

Կարիմ Բենզեմա, 12, 32, Սերխիո Ռամոս, 30, Մեսութ Օզիլ, 56, Սամի Խեդիրա, 72 – Իբաի Գոմես, 42