![](http://bari-galust.do.am/44149911.gif)
22:24 Արսեն Ջուլֆալակյան. Մրցավարական սխալները համընդհանուր էին![]() | |
Արսեն Ջուլֆալակյան. Մրցավարական սխալները համընդհանուր էին![]() Այս տարի Եվրոպայի առաջնությունում մրցավարական սխալները համընդհանուր էին. կամ իրոք չեն տիրապետում մրցավարական օրենքներին կամ էլ նման կերպ նախապատրաստություն է արվում Օլիմպիական խաղերից առաջ մարզիկների մասին սխալ կարծիքներ ձեւավորելու համար: Բելգրադում ավարտված հունահռոմեական ըմբշամարտի Եվրոպայի առաջնության մրցավարության մասին մարտի 14-ին կայացած մամուլի ասուլիսում նման կարծիք հայտնեց Արսեն Ջուլֆալակյանը: 74 քաշային կարգում բրոնզե մեդալ նվաճած Արսեն Ջուլֆալակյանը Սերբիայում կայացած մրցումները որակեց «աննախադեպ»՝ կապված մրցավարական սխալների հետ: «Այս տարի համընդհանուր վրիպումներ էին տեղի ունենում: Ցավն այն է, որ Օլիմպիական խաղերին մնացել է ընամենը 3-4 ամիս: Կամ իրոք չեն տիրապետում մրցավարական օրենքներին կամ էլ՝ նման կերպ նախապատրաստություն է արվում մարզիկների մասին սխալ կարծիքներ ձեւավորելու համար: Մեր թիմը կարծում եմ շատ լավ հանդես եկավ, հաշվի առնելով այն հանգամանքը, որ թիմի հիմնական նպատակը պատրաստվելն էր նախաօլիմպիական վարկանիշային մրցաշարին: Հիմա ամբողջ թիմը, բացի ինձանից պատրաստվում է վարկանիշային մրցաշարին: Այս առաջնությունը կարելի է համարել անցումային, որը մենք հաջողությամբ հանձնեցինք: Եթե Ռոմանին չորակազրկեին, կպայքարեինք 2-րդ տեղի համար: Թիմում ունեինք նորեկներ՝ Արթուր Մկրտչյան, Արամ Ջուլֆալակյան եւ Հրաչ Հովհանիսյանը: Նրանք նույնպես իրենց ուժերի ներածին չափով հանդես եկան: Ոչ ոք առանց պայքարի չպարտվեց. մեկի մոտ փորձի պակաս էր, մյուսի մոտ՝ անհաջող քայլ, բայց լավ հանդես եկան: Հաճելի է, որ նման թիմ ունենք եւ շատ լուրջ մրցակից ենք առաջատար մարզիկների համար: Այստեղ մի կարծիք էր հնչել, որ եթե Հայաստանի հավաքականը հունահռոմեական ոճում ոսկի մեդալ չբերեր, առաջնությունը կարելի է ձախողված համարել: Ուզում եմ նշել, որ ընդամենը մի քանի թիմ է ոսկի մեդալ վերցրել, այդպես օրինակ Ռուսաստանի պես գերհզոր պետությունն ընդամենը մի մեդալ է վերցրել: Ամեն դեպքում շատ բարդ առաջնություն էր Եվրոպայի առաջնությունը: Մամուլի ասուլիսին պետք է ներկա լիներ նաեւ Ռոման Ամոյանը, սակայն հունահռոմեական ըմբշամարտի Հայաստանի հավաքականի գլխավոր մարզիչ Լեւոն Ջուլֆալակյանը հայտնեց, որ Ռոմանն անտրամադիր է եղել եւ չի ցանկացել գալ: Լուսանկարը՝ Սոնա Բարսեղյանի ![]() | |
|
Всего комментариев: 0 | |