Armsport.am: Ֆինլանդիայում մեկնարկել է հունահռոմեական ոճի ըմբշամարտի Եվրոպայի առաջնությունը: 98կգ քաշայինների պայքարում գերազանց ելույթ ունեցավ Հայաստանի ներկայացուցիչ Արթուր Ալեքսանյանը: Եվրոպայի գործող չեմպիոնը կիսաեզրափակչում մեծ առավելությամբ պարտության մատնեց Նորվեգիան ներկայացնող Նիելսենին եւ դուրս եկավ եզրափակիչ:

Եզրափակչում Ալեքսանյանը մրցում էր Թուրքիայի ներկայացուցիչ Չենկ Իլդեմի հետ: Առաջին մրցափուլում Ալեքսանյանը 2:0 հաշվով հաղթեց մրցակիցին: Երկրորդ մրցափուլում Արթուրը եւս երեք միավոր վաստակեց եւ գերազանց հաղթանակ տարավ՝ 5:0 հաշվով: