22:43 Աշխարհի նորընծա չեմպիոնին ծեծել են մենամարտից հետո | |
Փետրվար 16, 2012 | 17:12 Արգենտինայում կայացած պրոֆեսիոնալ բռնցքամարտի IBF վարկածով թեթեւագույն քաշային կարգի թափուր տիտղոսի համար մենամարտն ավարտվել է մեծ սկանդալով։ Ֆիլիպինների արտաքին գործերի նախարարությունը բողոքի նոտա է հղել Արգենտինային փետրվարի 11-ին տեղի ունեցած ֆիլիպինցի Ջոնրիլ Կասիմերոյի եւ արգենտինացի Լուիս Լասարտեի մենամարտից անմիջապես հետո տեղի ունեցած անկարգությունների առիթով։ Ասիացի բռնցքամարտիկը 10-րդ ռաունդում հաղթել է տեխնիկական նոկաուտով, որից հետո արգենտինացի երկրպագուները մտել են ռինգ եւ հարձակվել են ֆիլիպինցու եւ նրա թիմի անդամների վրա՝ վերջիններիս հարվածելով տարբեր առարկաներով։ Աշխարհի նորընծա չեմպիոնին փրկել են ոստիկանության աշխատակիցները, ովքեր մեծ դժվարությամբ են բռնցքամարտիկին դուրս բերել գազազած ամբոխի միջից։ Մանիլայում Արգենտինայի դեսպանությունը պաշտոնապես ներողություն է խնդրել Ֆիլիպիններից, հաղորդում է Newsru.com-ը: | |
|
Всего комментариев: 0 | |