22:28 Ավետիս. Հայաստանում ծնվել է աշխարհի 7 միլիարդերորդ բնակիչը. Նա 2 շաբաթ շուտ է ծնվել (ֆոտո) | |
Հոկտեմբեր 31, 2011 | 13:01 Արթիկի ծննդատանը ծնվել է երկրագրդի 7 միլիարդերորդ բնակիչը: Երջանիկ մանկիկի` ծնողները Պեմզաշեն համայնքից են, որոնք արդեն որոշել են երեխայի անունը` Վահրամ Ոսկանյան: Երեխայի հայրը արտագնա աշխատանքի է Ռուսաստանում, ով լսելով բարի լուրը, մտադիր է երկու օրից վերադառնալ: 7 միլիարդերորդ երեխան լույս աշխարհ է եկել ժամկետից 2 շաբաթ շուտ, գիշերը ժամը 00:20-ին: Այդ օրն Արթիկի ծննդատանն այլ երեխա չի ծնվել: Փոքրիկն առողջ է, իրեն լավ է զգում: Ծննդատուն են եկել ՄԱԿ-ի հայաստանյան գրասենյակի ներկայացուցիչները, ովքեր բուժսարքավորումներ են նվիրել ծննդատանը: Այստեղ են ժամանել նաեւ Արթիկի քաղաքապետարանի ներկայացուցիչները եւ նվերներ հանձնել երջանիկ մայրիկին: Արթիկի քաղաքապետը հայտարարել է, որ սիրով կդառնա երեխայի կնքահայրը: ՄԱԿ-ի գրասենյակի աշխատակիցները հայտարարել են, որ մոր հոգսը թեթեւացնելու համար օժանդակություն կտրամադրվի: Նշենք, որ ՄԱԿ-ի կողմից վերջնականապես կորոշվի, թե աշխարհի խորհրդանշական 7 միլիարդերորդ ծնունդներից որ մեկին կշնորհվի 7 միլիարդերորդ բնակիչ կոչումը: | |
|
Всего комментариев: 0 | |