Ֆուտբոլի Իսպանիայի առաջնության 26-րդ տուրում կատալոնական «Բարսելոնան» հյուրընկալել էր Խիխոնի «Սպորտինգին»:

Առաջին խաղակեսի վերջնամասում Անդրես Ինյեստան բացեց հանդիպման հաշիվը, իսկ երկրորդ խաղակեսի սկզբում «Բարսելոնայի» պաշտպան Խերարդ Պիկեն հեռացվեց խաղադաշտից, որից հետո «Սպորտինգի» հարձակվող Դավիդ Բարալը խփեց իր թիմի պատասխան գնդակը: Խաղավարտին մոտ Սեյդու Կեյտան ու Չավին մեկական գնդակ ուղարկեցին հյուրերի դարպասը՝ ձեւակերպելով հանդիպման վերջնական հաշիվը՝ 3:1:

Աշխարհի լավագույն ֆուտբոլիստ Լիոնել Մեսին վնասվածքի պատճառով չմասնակցեց հանդիպմանը:

«Բարսելոնան» 7 միավոր զիջում է առաջատար «Ռեալին», որը վաղը սեփական խաղադաշտում ուժերը կչափի «Էսպանյոլի» հետ:

Իսպանիայի առաջնություն. 26-րդ տուր

«Բարսելոնա» - «Սպորտինգ»՝ 3:1

Ինյեստա, 42, Կեյտա, 79, Չավի, 88 – Բարալ, 49

Հեռացում՝ Պիկե, 46 («Բարսելոնա»)

«Մալյորկա» - «Օսասունա»՝ 1:1

Նսուե, 73 – Սեխուդո, 45

«Ռայո Վալեկանո» - «Ռասինգ»՝ 4:2

Միկու, 45, 64, Տամուդո, 67, Պիպի, 72 – Տորեխոն, 9, Կոլսա, 28

Հեռացում՝ Տոնո, 3 («Ռասինգ»)

«Խետաֆե» - «Մալագա»՝ 1:3

Կաստրո, 42 – Էլիզեու, 57, Տուլալան, 82, Կասորլա, 90