74 կգ քաշային Արսեն Ջուլֆալակյանը նվաճեց Բելգրադում ավարտվող հունահռոմեական ըմբշամարտի Եվրոպայի առաջնության բրոնզե մեդալը: Վճռական գոտեմարտում Արսենը 3:1 հաշվով հաղթեց ուկրաինացի Դմիտրո Պիշկովին: 

1/8 եզրափակիչում Ջուլֆալակյանը պարտվել էր աշխարհի չեմպիոն, ռուսաստանցի Ռոման Վլասովին, որը հետագայում հասավ եզրափակիչ, իսկ Ջուլֆալակյանը երկու գոտեմարտերում հաղթելուց հետո միայն նվաճեց բրոնզե մեդալի համար պայքարելու իրավունքը:

Հիշեցնենք, որ առաջնության մեկնարկային օրը չեմպիոնի տիտղոսը նվաճեց 96 կգ քաշային Արթուր Ալեքսանյանը, իսկ 120 կգ քաշային Յուրի Պատրիկեեւը բավարարվեց բրոնզե մեդալով:

Հայաստանը թիմային հաշվարկում գրավեց 5-րդ տեղը` առաջ թողնելով Ռուսաստանի, Ուկրաինայի, Ադրբեջանի եւ Բուլղարիայի թիմերին: