Մարտի 16-ին շվեյցարական Նյոն քաղաքում կայացավ Չեմպիոնների լիգայի 1/4 եզրափակիչի վիճակահանությունը: 

Նախորդ խաղարկության հաղթող կատալոնական «Բարսելոնան» քառորդ եզրափակիչում կհանդիպի իտալական «Միլանին»։

Մրցաշարի հաղթողի գլխավոր հավակնորդներից մեկի՝ Մադրիդի «Ռեալի» մրցակիցը կլինի Կիպրոսի ԱՊՕԷԼ-ը։

Անգլիական «Չելսին» կհանդիպի պորտուգալական «Բենֆիկային», իսկ Մյունխենի «Բավարիային» բաժին է հասել ֆրանսիական «Մարսելը»։ 

Նշենք, որ «Բարսելոնան» ու «Ռեալը» կարող են հանդիպել միայն եզրափակիչում։

1/4 եզրափակիչի առաջին հանդիպումները կկայանան մարտի 27 եւ 28-ին, իսկ պատասխան խաղերը՝ ապրիլի 3-ին եւ 4-ին: 

Չեմպիոնների լիգա. Քառորդ եզրափակիչ 

ԱՊՕԷԼ (Կիպրոս) – «Ռեալ» (Իսպանիա)

«Մարսել» (Ֆրանսիա) – «Բավարիա» (Գերմանիա)

«Բենֆիկա» (Պորտուգալիա) – «Չելսի» (Անգլիա)

«Միլան» (Իտալիա) – «Բարսելոնա» (Իսպանիա)

Կիսաեզրափակիչ 

ԱՊՕԷԼ/«Ռեալ» – «Մարսել»/«Բավարիա»

«Բենֆիկա»/«Չելսի» – «Միլան»/»Բարսելոնա»