11:16 «Եղնիկներ» զորամասի երկու սպաներին կալանավորեցին | |
Սեպտեմբեր 10, 2011 | 14:10 Սյունիքի մարզի ընդհանուր իրավասության դատարանը սեպտեմբերի 9-ին բավարարել է Լեռնային Ղարաբաղի «Եղնիկներ» զորամասի ժամկետային զինծառայող Աղասի Գեղամի Աբրահամյանի մահվան փաստի առթիվ հարուցված քրեական գործով սեպտեմբերի 6-ին ձերբակալված երկու սպաների նկատմամբ խափանման միջոցը կալանավորում կիրառելու մասին քննիչի միջնորդությունը: Հայաստանի ՊՆ մամուլի ծառայությունից NEWS.am-ին հայտնում են, որ կալանավորված 2 սպաներին մեղադրանք է առաջադրվել ՀՀ քրեական օրենսգրքի 375 հոդվածի 1-ին մասով (Իշխանազանցություն): Ինչպես արդեն հայտնել է NEWS.am-ը, նույն գործով ավելի վաղ կալանավորվել էին մեկ սպա` բուժկետի պետը, եւ մեկ ժամկետային զինծառայող: Կալանավորված զինծառայողների անունները չեն հաղորդվում նախաքննության գաղտնիության շահերից ելնելով: Հիշեցնենք, որ օգոստոսի 26-ին, ժամը 20:30-ի սահմաններում անգիտակից վիճակում զինվորական հոսպիտալ էր տեղափոխվել պաշտպանության բանակի ժամկետային զինծառայող, 18-ամյա Աղասի Գեղամի Աբրահամյանը, որտեղ մեկ ժամ անց մահացել էր: Զինվորի մահը մեծ հակազդեցություն էր առաջացրել հանրության շրջանում:Կալանավորվածներից սպաներին մեղադրանք է առաջադրվել «Իշխանազանցություն» հոդվածով: Իսկ ժամկետային զինծառայողին` զինվորական կանոնագրքային կանոնները խախտելու մեղադրանքով: Դեռեւս որեւէ մեկը կալանավորված չէ «սպանություն» հոդվածով, թեեւ զինվորին սպանել են` դաժանաբար ծեծելով: | |
|
Всего комментариев: 0 | |