«ՆՏՎ-ականները» հեռուստահաղորդման ժամանակ, երկու գործարարների` «Ազգային ռեզերվային բանկի» սեփականատեր Ալեքսանդր Լեբեդեւի ու Mirax Group-ի հիմնադիր Սերգեյ Պոլոնսկիի միջեւ բախում է տեղի ունեցել:

Mirax Group-ի հիմնադիրը հանկարծ հայտարարել է, թե ցանկանում է հենց ստուդիայում ջարդել իր բոլոր զրուցակիցների «մռութները»: Ի պատասխան, Լեբեդեւը հարցրել է, թե նա կարո՞ղ է պատասխան տալ իր ասածների համար, բայց Պոլոնսկին սկսել է թափահարել ձեռքերը: Լեբեդեւը նույնպես դիմել է ձեռքերի օգնությանը եւ Պոլոնսկին դուրս է թռել ստուդիայի տարածքից: