Անգլերեն
Ռուսերեն
Smbo.Sahakyan2012@yandex.ru
23:32 Գյումրի. Չորս որբ երեխաներ առանց բնակարանի, բայց արժանապատիվ կեցվածքով | |
Դեկտեմբեր 19, 2011 | 17:37 Գյումրիի հին թաղամասերից մեկի կիսանկուղային, կոմունալ հարմարություններից եւ անգամ ջրից զուրկ տանը մի կերպ պատսպարված են երկկողմանի ծնողազուրկ չորս երեխաներ: Այդ տունը նրանց սեփականությունը չի համարվում եւ նրանք ընդամենը ժամանակավորապես հաշվառված են, իհարկե եթե երկու փոքրիկ ու խոնավ սենյակներով կիսախարխուլը, որից մեկն առանց պատուհանի, կարելի է տուն համարել: Հովսեփյանների ընտանիքի ամբողջ հոգսն ընկած է մեծ տղայի` 22-ամյա Նորայրի վրա: 2011 թ. փետրվարին անկողնային երկրարատեւ հիվանդությամբ տառապող ընտանիքի հորը հիվանդանոցում խնամելիս հանկարծամահ է լինում երեխաների մայրը, երեք օր անց մահանում է նաեւ հայրը: Նորայրը, իրենց ընտանիքի սոցիալական ծանր պայմանների պատճառով, ստիպված կիսատ թողնելով ուսումը վերադառնում է Գյումրի եւ ներկայումս խնամում է իր անչափահաս եղբայրներին եւ քրոջը: Երկկողմանի ծնողազուրկ երեխաներին տրվող թոշակի բարձր լինելու պատճառաբանությամբ, արդեն 6-րդ ամիսն է այս ընտանիքը զրկված է սոցիալական նպաստից: Ինչպես նմանատիպ սոցիալապես ծանր պայմաններում հայտնված շատ այլ ընտանիքեր, այս ընտանիքը եւս որեւէ օգնություն եւ աջակցություն չի ստանում: Ցավոք Գյումրիում ներկայումս այնքան էլ հաճախ չենք հանդիպում «Գյումրվա թասիբ» ասված երեւույթին, սակայն երբ ծանոթացանք այս ընտանիքի պատմությանը, մի կողմից ցավ ապրեցինք, որ նման սարսափելի պայմաններում են ապրում չորս որբ երեխաները, մյուս կողմից հպարտություն, որ այս երեխաների մեջ արժանապատվության բարձր զգացում կար: «Շիրակ Կենտրոնը» այս ընտանիքի մասին պատմող տեսանյութ է ներկայացնում: | |
|
| |
| Всего комментариев: 0 | |
