Главная » 2012 » Март » 13 » Ջուլֆալակյան. Ամոյանի որակազրկումը չի անդրադառնա հետագա մրցաշարի վրա
16:19
Ջուլֆալակյան. Ամոյանի որակազրկումը չի անդրադառնա հետագա մրցաշարի վրա
13:08 13.03.2012
Հայաստանի հունահռոմեկան ոճի ըմբշամարտի հավաքականը վերադարձավ Սերբիայից, որտեղ նախորդ շաբաթ տեղի ունեցավ Եվրոպայի 2012թ. առաջնությունը: Հայաստանը նվաճեց 1 ոսկե ու 2 բրոնզե մեդալ, սակայն հաջողությունները կարող էին ավելի մեծ լինել, թե հայ ըմբիշների մասնակցությամբ հանդիպումներում մրցավարները ցուցաբերեին անկողմնակալ վերաբերմունք: Մասնավորապես 55կգ քաշային Ռոման Ամոբյանն իր առաջին իսկ մրցավեճում անարդարացի պարտություն կրեց ադրբեջանցի էլչին Ալևից: Խայտառակ մրցավարությունը հունից հանեց Ամոյանին, ով մրցամարտի ավարտից հետո չթաքցրեց իր դժգոհությունը, իսկ որոշ ժամանակ անց նրան որակազրկեցին: «Տվյալ մրցամարտի մրցավարներին կազմակերպիչները որակազրկեցին: Որակազրկվեց նաև Ամոյանը, սակայն մեզ հավաստիացրին, որ այս որակազրկումը չի անդրադառնա հետագա մրցաշարի վրա»,-ArmSport.am-ի հետ զրույցում ասաց հավաքականի գլխավոր մարզիչ Լևոն Ջուլֆալակյանը, ով առաջիկայում ավելի մանրամասն կխոսի Եվրոպայի առաջնության վերաբերյալ: Ավելորդ չէ նշել, որ ըմբշամարտի միջազգային ֆեդերացիայի գլխավոր հովանավորը ադրբեջանական մի կազմակերպություն է ու առաջին անգամ չէ, որ հայ ըմբիշները դառնում են կողմնակալ մրցավարության զոհ: Հիշեցնենք, որ Ռոման Ամոնյանն առաջիկայում պետք է ելույթ ունենա վարկանիշային մրցաշարերում` Լոնդոնի օլիմպիական ուղեգիր նվաճելու ակնկալիքով: Եվրոպայի 2011թ. չեմպիոն Ամոյանը համարվում է Հայաստանի գլխավոր հույսերից մեկն ամռանը կայանալիք Օլիմպիադայում: