11:03 Մարդաորս Գավառի անտառներում. Որսն արգելելու համար կրակել են տեսուչի վրա | |
Սեպտեմբեր 10, 2011 | 17:42 Ոստիկանության Գավառի բաժնում սեպտեմբերի 5-ին հիվանդանոցից հաղորդում էր ստացվել, որ մարմնական վնասվածքներով իրենց մոտ են տեղափոխվել 1976 թ. ծնված Հրայր Գ.-ն եւ «Սեւան» ազգային պարկի Նորատուսի տեղամասի տեսուչ, 1950 թ. ծնված Ջիվան Մ.-ն: Ոստիկանության լրատվական ծառայությունից NEWS.am-ին հայտնում են, թե տուժողներն ու նրանց հարազատները ոստիկանության ծառայողներին ճիշտ չեն ներկայացրել տեղի ունեցածը: Ձեռնարկված միջոցառումների արդյունքում սեպտեմբերի 9-ին Ջիվան Մ.-ն հրավիրվել է բաժին եւ հաղորդում տվել, որ սեպտեմբերի 5-ին, ժամը 21.30-ի սահմաններում, Նորատուսի անտառտնտեսության տարածքում հսկողություն իրականացնելու ընթացքում իրեն է մոտեցել «ՎԱԶ-2101» մակնիշի ավտոմեքենա, որի մեջ նստած ուղեւորներից ինքը ճանաչել է Գավառ քաղաքի բնակիչ Հրայր Գ.-ին: Ջիվան Մ.-ն ուղեւորներին արգելել է որս անել, ինչից հետո մեքենայի հետեւի մասում նստած ուղեւորը որսորդական հրացանից կրակել է նրա ուղղությամբ: Կրակոցի հետեւանքով Ջիվան Մ.-ն եւ Հրայր Գ.-ն մարմնական վնասվածքներով տեղափոխվել են հիվանդանոց: Ձեռնարկվում են միջոցառումներ կրակողի ինքնությունը պարզելու, նրան եւ որսորդական հրացանը հայտնաբերելու ուղղությամբ, կատարվում է հետաքննություն: | |
|
Всего комментариев: 0 | |