Ֆուտբոլի Իսպանիայի առաջնության 37-րդ տուրում «Բարսելոնան» սեփական խաղադաշտում չորս անպատասխան գնդակ ուղարկեց կատալոնական «Էսպանյոլի» դարպասը:

Հանդիպման բոլոր գոլերն իր անվան դիմաց գրանցեց «Բարսելոնայի» հարձակվող Լիոնել Մեսին, ով Պրիմերայի ընթացիկ առաջնությունում իր գոլերի քանակը հասցրեց 50-ի՝ հինգ գոլով գերազանցելով «Ռեալի» հարձակվող Կրիշտիանու Ռոնալդուին: Արգենտինացին ընթացիկ մրցաշարջանի բոլոր մրցաշարերում իր գոլերի քանակը հասցրեց 72-ի՝ թարմացնելով սեփական ռեկորդը:

Հիշեցնենք, որ նախորդ տուրում Մեսին գերազանցել էր Գերմանիայի հավաքականի նախկին հարձակվող Գերդ Մյուլերի՝ մեկ մրցաշրջանի ընթացքում խփած գոլերի ռեկորդը: 1972/73 մրցաշրջանում Գերդ Մյուլերը Մյունխենի «Բավարիայի» կազմում խփել էր 67 գոլ: 

Իսպանիայի առաջնություն. 37-րդ տուր

«Բարսելոնա» - «Էսպանյոլ»՝ 4:0

Մեսի, 12, 64 (11մ.), 74, 79 (11մ.)