NBA-ի կանոնավոր առաջնության հերթական տուրում «Չիկագոն» հյուրընկալվելիս դժվարին հաղթանակ տարավ «Ֆիլադելֆիայի» նկատմամբ՝ 96։91։

«Չիկագոյի» խաղարկող պաշտպան Դերիկ Ռոուսը վաստակեց 35 միավոր եւ դարձավ 8 արդյունավետ փոխանցման հեղինակ։ «Ցլերի» ֆրանսիացի լեգիոնական Ժոակիմ Նոան իր անվան դիմաց գրանցեց 11 միավոր։

Տուրի կենտրոնական հանդիպումներից մեկը կայացավ Լոս Անջելեսում, որտեղ «Լեյքերսը» ընդունել էր «Մայամիին»։ 93։83 հաշվով հաղթեց «Լեյքերսը», որի առաջատար Կոբի Բրայանտը վաստակեց 33 միավոր։ Հյուրերի կազմում 25 միավոր վաստակեց Լեբրոն Ջեյմսը։

NBA. Կանոնավոր առաջնություն

«Բոստոն» - «Նյու Յորք» - 115:111 (լրացուցիչ ժամանակում)

«Լեյքերս» – «Մայամի» - 93:83

«Տորոնտո» – «Գոլդեն Սթեյտ» - 83:75

«Շարլոտ» – «Նյու Ջերսի» -  101:104

«Ֆիլադելֆիա» – «Չիկագո»  - 91:96

«Հյուսթոն» – «Կլիպերս» - 103:105 (լրացուցիչ ժամանակում)

«Ֆինիքս» – «Սակրամենտո» -  96:88

«Դենվեր» - «Սան Անտոնիո» - 99:94