11:07 Նոյեմբերյանի քաղաքապետի տղայի կողմից «բռնաբարված» աղջիկը հերքում է, որ իրեն բռնաբարել են | |
Սեպտեմբեր 10, 2011 | 04:19 Նոյեմբերյանում անչափահասի բռնաբարության գործով տուժող աղջիկը գրավոր հայտարարություն է տվել եւ ասել, որ իր նկատմամբ բռնություն չի կիրառվել, ինչը եւ ճիշտ է: Այս մասին NEWS.am-ի թղթակցի հետ զրույցում ասաց Նոյեմբերյանի քաղաքապետ Վանուշ Ամիրաղյանը: Նա նշեց, որ գործն ընթացք մեջ է: Հարցին, թե իր տղան այդ գործով որպես վկա՞ է հարցաքննվել, թե որպես կասկածյալ, Վանուշ Ամիրաղյանը խնդրեց չշարունակել խոսակցությունը եւ սպասել մի քանի օր: Ավելի վաղ NEWS.am-ը հայտնել էր, որ Նոյեմբերյանում անչափահասի բռնաբարության դեպք է գրանցվել:Սեպտեմբերի 2-ին 17-ամյա աղջկա բռնաբարության դեպքի առթիվ քրեական գործ է հարուցվել ՀՀ քր.օր.-ի 138 (Բռնաբարություն) հոդվածի հատկանիշներով: Նշանակվել են մի շարք փորձաքննություններ: Ընթանում է նախաքննություն: «Հետքի» տեղեկություններով, 17-ամյա Լ.Ն.-ին բռնաբարել են երեք 17-ամյա երիտասարդներ, որոնցից մեկը Նոյեմբերյանի քաղաքապետ Վանուշ Ամիրաղյանի որդին է, իսկ երկրորդը` ոստիկանության աշխատակիցներից մեկի որդին: Նոյեմբերյանի ոստիկանության քննչական բաժանմունքի պետ Գագիկ Նասիբյանն ասել էր, որ այս պահի դրությամբ բռնության հետքեր չկան եւ պետք է սպասել, թե փորձաքննությունների եզրակացությունները ոնց կլինեն: Քննիչ Նասիբյանը հաստատել էր, որ երիտասրադներից մեկը Նոյեմբերյանի քաղաքապետի որդին է, մյուսը` ոստիկանի որդի, հավելելով, որ այդ փաստն իր գործողությունները բացարձակ չի կաշկանդում: «Ո՞վ կարա ճնշի: 29 տարվա քննիչ եմ, չեն կարա ճնշեն: Պրոբլեմ չունեմ ես: Մեկ է, ոնց ուզեմ` պետք է բռնեմ, ճիշտը պետք է իմանամ: Ճիշտը, ճիշտը, ճիշտը»,- ասել էր նա: NEWS.am-ը հայտնել էր, որ այդ գործով երեք երիտասարդ է հարցաքննվել, որոնցից մեկն էլ Սերգեյ Ամիրաղյան է` քաղաքապետի որդին: Կալանավորվածներ եւ ձերբակալվածներ չկան: | |
|
Всего комментариев: 0 | |