23:42 Քիմ Քարդաշյանը Գլենդելի քաղաքապետի պաշտոնի համար պայքարում մրցակցուհի ունի | |
Գլենդելի «Massage Envy»-ի ձեռնարկության սեփականատիրուհի Հելեն Մակդոնագը որոշել է հետեւել Քիմ Քարդաշյանի օրինակին եւ մասնակցել Գլենդելի քաղաքապետի պաշտոնի ընտրարշավին ` հույս ունենալով ուշադրություն գրավել: Ինչպես հաղորդում է «Los Angeles Times»-ը, «Massage Envy»-ի սեփականտիրուհին չի ցանկանում պետական պաշտոն զբաղեցնել, առնվազն` հիմա: Դրա փոխարեն նա ցանկանում է ընտրարշավ անցկացնել` «Գլենդելի առողջ երեխաներ» (Glendale Healthy Kids) կազմակերպությանն աջակցելու համար, որը բժշկական ծառայություններ է մատուցում կարիքավոր երեխաներին: «Քաղաքապետի» ընտրարշավի ժամանակ բոլոր վճարները կփոխանցվեն այդ կազմակերպությանը: Նրա նպատակը 10 հազ. դոլար հավաքելն է մինչեւ հունիսի 30-ը: Մակդոնագն ասել է, թե զարմացած է եղել, որքան մեծ ուշադրության արժանացավ Քարդաշյանի` քաղաքապետ առաջադրվելու մասին հայտարարությունը: «Ես մտածեցի` այդ կինը փայլուն է: Եւ այդ ժամանակ կատակով ասացի, թե թեկնածությունս դնելու եմ նրա դեմ»,-խոստովանել է Մակդոնագը: Նրա խոսքով` ինքը գիտի, որ իր արհեստական արշավը իրականում պետք է ուղղված լինի քաղաքային խորհրդում տեղ զբաղեցնելուն, որտեղից էլ ամեն տարի ընտրվում է քաղաքապետը: Սակայն նա գիտակցում է, որ «Գլենդելի առողջ երեխաները» եւ ինքն ավելի մեծ ուշադրության կարժանանան, եթե ինքը հետեւի Քարդաշյանի օրինակին: | |
|
Всего комментариев: 0 | |