«Ռեալը» նվաճեց Իսպանիայի Սուպերգավաթը:  «Բարսելոնայի» հետ պատասխան խաղում Արքայական թիմն ամեն ինչ վճռեց մեկնարկային 20 րոպեում:

11-րդ րոպեին Գոնսալո Իգուաինը Մասկերանոյի սխալից հետո մոտ 11 մետրից գրավեց Վալդեսի դարպասը: 19-րդ րոպեին անհավանական անցումով եւ հարվածով աչքի ընկավ Կրիշտիանու Ռոնալդուն:

28-րդ րոպեին «Բարսելոնան» մնաց տասը ֆուտբոլիստներով: Ադրիանոն վերջին հույսի խախտումը թույլ տվեց Ռոնալդուի դեմ եւ հեռացվեց:

45-րդ րոպեին Լիոնել Մեսին անթերի իրացրեց տուգանային հարվածը: Գնդակը ձախից շրջանցեց պատը եւ Իկեր Կասիլյասը ցատկում չհասավ:

Երկրորդ խաղակեսում հաշվի փոփոխություն չեղավ:

Առաջին խաղում «Ռեալը» պարտվել էր 2:3 հաշվով:

Իսպանիայի Սուպերգավաթ. պատասխան հանդիպում

«Ռեալ» – «Բարսելոնա»` 2:1

Իգուաին, 11, Ռոնալդու, 19 – Մեսի, 45

Հեռացում` Ադրիանո («Բարսելոնա»), 28