Ֆուտբոլի Իսպանիայի առաջնության 37-րդ տուրում չեմպիոնական տիտղոսն ապահոված Մադրիդի «Ռեալը» հյուրընկալվելիս կամային հաղթանակ տարավ «Գրանադայի» նկատմամբ՝ 2:1:

Հանդիպման սկզբնամասում արգենտինացի հարձակվող Ֆրանկո Խարան առաջ մղեց «Գրանադային», սակայն խաղի ավարտից 9 րոպե առաջ Կրիշտիանու Ռոնալդուն 11 մետրանոցից խփեց «Ռեալի» պատասխան գնդակը: Խաղի ավելացված ժամանակում «Գրանադայի» իսպանացի պաշտպան Դավիդ Կորտեսը գրավեց սեփական դարպասը՝ հաղթանակ պարգեւելով «Ռեալին»:

Ռոնալդուն Պրիմերայի ընթացիկ առաջնությունում իր գոլերի քանակը հասցրեց 45-ի: Ռմբարկուների ցուցակը գլխավորող Լիոնել Մեսին խփել է 50 գոլ:

Առաջնության ավարտից մեկ տուր առաջ Ժոզե Մոուրինյոյի թիմն ունի 97 միավոր: «Գրանադան» 42 միավորով 15-րդ տեղում է:

Իսպանիայի առաջնություն. 37-րդ տուր

«Գրանադա» - «Ռեալ»՝ 1:2

Խարա, 5 – Ռոնալդու, 81 (11մ.), Կորտես, 90+2 (ինքնագոլ) 

Հեռացում՝ Ուտրադո, 90, Սիկեյրա, 90 («Գրանադա»)