Լեհաստանի ներկայացուցիչ Ագնեշկա Ռադվանսկան դարձավ Մայամիում ավարտված թենիսի Sony Ericsson Open մրցաշարի հաղթող:

Եզրափակիչում Ռադվանսկան երկու սեթերի արդյունքում առավելության հասավ աշխարհի երկրորդ ռակետ Մարիա Շարապովայի նկատմամբ՝ 7:5, 6:4: Մրցախաղը տեւեց 1 ժամ 44 րոպե:

Ագնեշկա Ռադվանսկան 9-րդ տիտղոսը նվաճեց կարիերայում եւ երկրորդը՝ ընթացիկ մրցաշրջանում:

Նշենք, որ Մարիա Շարապովան չորրորդ անգամ է պարտվում Մայամիի մրցաշարի եզրափակիչում:

Sony Ericsson Open. Եզրափակիչ

Ագնեշկա Ռադվանսկա (Լեհաստան, 5) – Մարիա Շարապովա (Ռուսաստան, 2) - 7:5, 6:4