Տեհասի West Texas  կենդանաբանական այգում Էլ Պասոյում Էգ վագրը խանդից դրդված սպանել է իր արուին: Ինչպես հայտնում է Reuters, վկայակոչելով կենդանաբանական այգու պատմածը, անսովոր հարձակումը բազմամսյա կատվային եռացող խանդի արդյունքն էր, որն առկա էր կատուների սիրային եռանկյունում:

Երբ ազատավանդակում մալայզիական եռամյա էգ վագր Սերին հարձակվել է վեցամյա արու Վզուիի վրա, կենդանաբանական այգու աշխատակիցները փակել են ակգու մուտքը այցելուների համար եւ անասնաբույժների բրիգադ կանչել: Ուսումնասիրելով Վզուիին` անասնաբույժները փաստել են, որ վագրը մահացած է:

«Այդպիսի ողբերգական միջադեպերը հայտնի են, սակայն սովորական երեւյթ չեն», -ասել է կենդանաբանական այգու տնօրեն Սթիվ Մարշալը:

Մալայզիական վագրերը վերացման լուրջ վտանգի առջեւ են կանգնած, վայրի բնության մեջ մնացել է մոտ  500 վագր, որոնք բնակվում են Թայլանդում եւ Մալայզիայում:

Սերին եւ Վզուին վերցվել էին այլ կենդանաբանական այգիներից` Կենդանաբանական այգիների ամերիկյան ասոցիացիայի ծրագրի շրջանակներում, որի համաձայն նախատեսվում է պահպանել այդ կենդանատեսակը, բազմացնելով անազատության մեջ:    

Կենդանաբանական այգու աշխատակիցները մինչեւ հարձակումը չեն նկատել ագրեսիայի ոչ մի դրսեւորում, նույն օրը նրանք նաեւ տեսել են` ինչպես են վագրերը քնքշորեն խաղում ազատավանդակում:

Սակայն դեռեւս հուլիսին կենդանաբանական այգու աշխատակիցները նկատել են «վագրերի սիրային եռանկունի» Սերիի, Վզուիի եւ  մեկ այլ էգի`15-անյա Մելիի միջեւ, որը բերվել էր այգի տաս տարի առաջ: Վզուվին երկուսին էլ սիրել է, սակայն էգերը չեն սիրել միմյանց: Այդ մասին նշվել է այգու հուլիսյան մամուլի- հաղորդագրությունում: «Աղջիկները խանդել են միմյանց»,- ասել է այգու աշխատակիցներից մեկը:

Կենդանաբանական այգու աշխատակիցները հույս ունեն, որ Վզուիին կփոխարինեն մեկ այլ արու վագրով: