Վիկ Դարչինյանը պատրաստվում է նոկաուտի ենթարկել Անսելմո Մորենոյին: Իր մտադրության մասին Դարչինյանը հայտնել է Լոս Անջելեսում համատեղ ասուլիսի ժամանակ` խոսելով դեկտեմբերի 3-ին կայանալիք մրցամարտի մասին:

Ինչպես հաղորդում է  Philboxing.com-ը,  Մորենոն հայտարարել է, թե 100  տոկոսով պատրաստ է մարտի. «դեկտեմբրի 3-ն իմ օրն է լինելու, իմ երկրպագուները գոհ կմնան իմ ելույթից»: «Ասելը մի բան է, ռինգ դուրս գալն ու դա անելը` մեկ այլ բան: Մենք հետեւել ենք Դարչինյանի վերջին շրջանի մարտերին եւ ամեն ինչ կանենք նրան դիմակայելու եւ ոչ հարմարվետ իրավիճակ ստեղծելու նրա համար»,-հայտարարել է Դարչինյանի մրցակիցը:

Մորենոն, ինչպես եւ Դարչինյանը, ցանկանում է  հաղթանակի դեպքում հանդիպել Մերես-Ագբեկո զույգի հաղթողի հետ:

Դարչինյանն իր հերթին հայտարարել է, որ լավ է պատրաստված մրցամարտին. «Ես ցանկանում եմ բոլորին ցույց տալ, որ գտնվում եմ լավ մարզավիճակում, որ ուժեղ մարզիկ եմ եւ պատրաստ եմ շարունակել կարիերան: Ես  պատրաստվում եմ նոկաուտի ենթարկել Մորենոյին»,-ասել է Դարչինյանը: