19:54 Վրաստանում կայացել է «ուտելի փողկապների» շնորհանդեսը (վիդեո) | |
Սեպտեմբեր 14, 2011 | 10:14 Թբիլիսիի Tiflis Avenue պատկերասրահում սեպտեմբերի 13-ին կայացել է «Ուտելի, «ռեֆորմիստական» փողկապ» նախագծի շնորհանդեսը, որի հեղինակներն են այժմ Վրաստանում ապրող ռուս լրագրող Օլեգ Պանֆիլովը եւ «Կոալիցիաներ եվրոպական Վրաստանի համար» քաղաքական խորհրդի անդամ Լեւան Չոլոկաշվիլին, հայտնում է «Նովոստի Գրուզիան»։ «Փողկապները» տեղադրված են թափանցիկ պլաստիկե տուփերում։ Դրանք պատրաստված են տկլապիից, որը հարյուրավոր տարիների ընթացքում Վրաստանում պատրաստում են արեւի տակ չորացված շերտերից՝ տղեմալիի հյութից կամ այլ մրգերից։ Անսովոր, խորհրդանշական հուշանվերի գինը 5 լարի է (շուրջ 3 դոլար)։ Փողկապի նկարագրության մեջ նշված է, որ դրա օգտագործումը նպաստում է կյանքի բարեփոխմանը, որակի լավացմանը եւ ժողովրդավարական արժեքներին հաղորդակից դառնալուն, հայտնում է «Նովոստի Գրուզիան»։ Փողկապ ուտելն այսօր ասոցացվում է Վրաստանի նախագահ Միխայիլ Սահակաշվիլիի հետ (ռուս-վրացական պատերազմի ժամանակ BBC-ի լրագրողները կադրեր էին տարածել, ուր Սահակաշվիլին, հեռախոսով խոսելիս նյարդայնանում է եւ ծամում իր փողկապը)։ Լրատվամիջոցներին զուգահեռ՝ մեկնաբանություններ այս առումով արել էին նաեւ քաղաքական գործիչները, այդ թվում՝ Ռուսաստանի վարչապետ Վլադիմիր Պուտինը, ով 2009 թվականի նոյեմբերի 20-ին Յալթայում Վրաստանի եւ Ուկրաինայի նախագահներին խորհուրդ էր տվել կայանալիք հանդիպումն անցկացնել առանց փողկապների։ | |
|
Всего комментариев: 0 | |