ԱՄՆ-ի անօդաչու թռչող սարքն ընկել է Սոմալիի Դոբլեյ քաղաքի ռազմական հաստատության շրջակայքում, զոհվել են Սոմալիի բանակի 7  զինծառայողներ, վնասվել են 13-ը, ըստ  Press TV-ի:

Ավելի շուտ հայտնի էր դարձել, որ ամերիկյան մեկ այլ անօդաչու թռչող սարք հարված է հասցրել Սոմալիի հարավում գտնվող Քիսմայո քաղաքին, ինչի արդյունքում զոհվել էր 27 մարդ, հիմնականում` երեխաներ: ԱՄՆ հատուկ ծառայությունները հաճախ են կիրառում անօդաչուները Սոմալիի, Եմենի, Աֆղանստանի, Պակիստանի տարածքները գրոհելու համար`ահաբեկչական խմբավորումների անդամներին ոչնչացնելու նպատակով, հաղորդում է РБК-ն: