12:26 Facebook սոցիալական ցանցում «Բերեզովսկի, մի հեռացիր» անվանումով խումբ է բացվել | |
![]() Facebook սոցիալական ցանցում «Բերեզովսկի, մի հեռացիր» անվանումով խումբ է բացվել: Ընդամենը ժամեր առաջ բացված խմբում, արդեն կա շուրջ 600 անդամ: Խմբի անդամները կոչ են անում Հայաստանի ֆուտբոլի հավաքականի դարպասապահ Ռոման Բերեզովսկիին չհեռանալ հավաքականից: Նշվում է, որ նա հեռանալու որոշում է կայացրել Իռլանդիա-Հայաստան խաղի ազդեցության տակ, որտեղ կարմիր քարտ էր ստացել եւ հեռացվել խաղադաշտից, թեեւ կանոնների խախտում թույլ չէր տվել: Հայ ֆուտբոլասերները խմբում գրում են. «Բոլորս մեկ մարդու պես Ռոմայի կողքին ենք», «Այս մարդն արժանի է, որ մենք խնդրենք նրան մնալ», «Ռոման, մի հեռացիր, դու դեռ պետք է մասնակցես 2014 թվականի աշխարհի առաջնության եզրափակիչ փուլին»: Նշենք, որ Եվրոպայի առաջնության ընտրական մրցաշարի վերջին խաղում Հայաստանի հավաքականը Դուբլինում 2:1 հաշվով պարտվեց Իռլանդիայի հավաքականին եւ 17 միավորով մնաց B խմբի երրորդ տեղում: Իսպանացի Իտուրալդե Գոնսալերի չափազանց վիճելի մրցավարության պայմաններում Հայաստանի հավաքականն առաջադրանքը կատարել չկարողացավ: Արդեն 27-րդ րոպեին Վարդան Մինասյանի թիմը մնաց տասը ֆուտբոլիստներով: Մրցավարը համարեց, որ տուգանային հրապարակից դուրս ձեռքով է խաղացել Ռոման Բերեզովսկին: Նա վերջին հույսի խախտման համար ստացավ կարմիր քարտ եւ հեռացվեց: Հայ ֆուտբոլասերները Facebook-ում այլ խմբեր եւս բացել են, որոնցից ամենահայտնին կրում է «We hate Iturralde Gonzales» անվանումը: | |
|
Всего комментариев: 0 | |