Հայաստանի եւ Իռլանդիայի ֆուտբոլի հավաքականների վճռորոշ հանդիպումը հեռարձակելու համար Երեւանի կենտրոնում մեծ էկրան կտեղադրվի: Խաղը կարող են դիտել բոլոր ցանկացողները:

Ինչպես ավելի վաղ հաղորդել էրNEWS.am-ը, հոկտեմբերի 11-ին Իռլանդիայի մայրաքաղաք Դուբլինում  երեւանյան ժամանակով ժամը 23:00-ին  տեղի կունենա Հայաստան-Իռլանդիա հանդիպումը: Եթե Հայաստանի հավաքականին հաջողվի հաղթանակ տանել, ապա «Փլեյ օֆֆ»-ի խաղերը  հնարավորություն կընձեռեն դուրս գալ  Եվրո -2012-ի եզրափակիչ փուլ:

Նշենք, որ տեղական եւ միջազգային բուքմեյքերները նախապատվությունը տալիս են Իռլանդիայի հավաքականին: