Դոնեցկի Շախտյորի կիսապաշտպան Հենրիխ Մխիթարյանը Հայաստանի ազգային հավաքականից վերադառնալուց հետո ակումբի մամուլի ծառայությանը Իռլանդիա – Հայաստան հանդիպման վերաբերյալ ասել է, որ ամեն ինչ արդեն անցյալում է եւ այժմ ինքը մտածում է միայն ակումբային թիմի մասին, քանի որ առաջիկայում լուրջ հանդիպումներ են սպասվում:

-Անարդարության զգացում չի՞ մնացել։

-Մնացել է, բայց դա արդեն պատմություն է։ Ոչինչ չես անի։ Պետք է մտածել ապագա հանդիպումների մասին։ Ավելին չեմ կարող ասել:

-Ինչպե՞ս ձեզ դիմավորեցին երկրպագուները Հայաստանում։

-Կարող եմ ասել՝ գերազանց, չնայած մենք պարտվել էինք։

-Կարելի է՞ ասել, որ Հայաստանը ֆուտբոլային բում ապրեց։

-Այո, բոլորը դիտում էին մեր խաղը եւ ակնկալում էին հաղթանակ։ Բայց ստացվեց այնպես, որ մեզ չհաջողվեց։ Այդուամենայնիվ, բոլորը գոհ են Հայաստանի հավաքականի ելույթից ընտրական մրցաշարում։ Մենք ամեն ինչ արեցինք առաջ գնալու համար, բայց, հավանաբար, ինչ-որ բան չհերիքեց:

Հենրիխ Մխիթարյանը նաեւ ասել է, որ հավաքականից ակումբային ֆուտբոլի անցնելու խնդիր չի ունենա: