21:47 Իռլանդական մամուլ. Հայաստանի հավաքականի ողբերգությունը, որն անհամեմատելի է Իռլանդիայի հաջողության հետ | |
Հոկտեմբեր 12, 2011 | 16:02
Իռլանդիայի հավաքականն անցումային հանդիպումներում կշարունակի պայքարը Եվրոպայի առաջնության եզրափակիչ մրցաշարի ուղեգրի համար: Սակայն երեկվա հաղթանակը Դուբլինում ավելի շատ ողբերգություն էր Հայաստանի համար, քան թե վերելք Իռլանդիայի համար, գրում է իռլանդական Independent-ը «Երազանքը շարունակում է ապրել. հաջողությունը ժպտաց իռլանդացիներին»: «Հայերը երկար կհիշեն Դուբլինը: Հիշողությունները կլինեն մրցավարական սխալների մասին, որոնց պատճառով փոքր երկիրը զրկվեց առաջին անգամ մեծ ֆուտբոլային մրցաշարի համը զգալու հնարավորությունից: Բեկումնային էր 26-րդ րոպեին, երբ հեռացվեց Հայաստանի հավաքականի դարպասապահ Ռոման Բերեզովսկին: Սակայն կրկնապատկերում երեւում է, որ Քոքսն առաջինն է ձեռքով խաղացել ու դրանից հետո արդեն էական չէ, թե Բերեզովսկու մարմնի որ մասին է կպել գնդակը: Երեք անգամ Ռեալ – Բարսելոնա հանդիպում սպասարկած իսպանացի մրցավար Էդուարդն Իտուրալդե Գոնսալեսը մի քանի կրկնապատկեր դիտելու հնարավորություն չուներ: Նա խորհրդակցեց եզրային մրցավարի հետ եւ հանեց կարմիր քարտը: Հայաստանը խաղադաշտ դուրս բերեց 20-ամյա դարպասապահ Արսեն Պետրոսյանին եւ խիզախորեն շարունակեց խաղը: Ալեքսանյանի ինքնագոլից եւ Դանի դիպուկ հարվածից հետո ստադիոնն ու Իռլանդիայի հավաքականը արդեն տոնում էր հաղթանակը: Սակայն Ղազարյանի եւ Մովսիսյանի վարպետորեն անցկացրած կոմբինացիան գոլային հարվածով եզրափակեց Հենրիխ Մխիթարյանը: Երիտասարդ հայ ֆուտբոլիստները շարունակում էին պահել լարվածությունը, որին չդիմացավ Դոյլը. արմունկով հարվածեց Մկրտչյանին եւ երկրորդ դեղին քարտը ստացավ: Թվային հավասարությունը վերականգնվեց: Մնում էին տասը երկար րոպեներ: Փլեյ-օֆ դուրս գալու համար Հայաստանին անհրաժեշտ էր երկու գնդակ խփել, սակայն ժամանակը կարճ էր, իսկ հույսը լքում էր հայերին: Իռլանդացիները հաղթեցին, բայց մեկ ամիս անց անցումային հանդիպումներում նրանց անհրաժեշտ կլինի խաղի ավելի բարձր որակներ»,- գրում է Independent-ը: | |
|
Всего комментариев: 0 | |