Կանացի ներքնազգեստ արտադրող Etam ընկերության 3 ֆրանսուհի մոդելները մասնակցել են անօրինական գովազդային ակցիայի, որը կարող է ընկերությանը մեծ վնաս պատճառել: Բրիտանական Mirror տապլոիդը հաղորդում է,որ գովազդային արշավը տեղի է ունեցել դ'Օրսեի թանգարանի պատկերասրահում, որտեղ աղջիկները հիացած հանդիսատեսին ցուցադրել են լողազգեստի նոր մոդելներ: 

Իմպրեսիոնիստների լավագույն ստեղծագործությունները ներկայացնող Դ'Օրսեի թանգարանի ղեկավարությունը պատրաստվում է Etam ընկերությանը ներկայացնել բազմամիլիոնանոց դատական հայց՝ շենքը նկարահանումների համար օգտագործելու համար: 

Նրանք պմնդում են, որ իրենց ոչ ոք չի զգուշացրել այդ ակցիայի մասին: 

Թանգարանի պաշտոնական հայտարարության մեջ նշվում է, որ իրենց իրավունքներն այդպիսով լրջորեն խախտվել են, և պահանջում են անմիջապես ջնջել սկանդալային տեսանյութը: