12:58 Սերժ Սարգսյանը շնորհավորական ուղերձ է հղել Վլադիմիր Պուտինի ծննդյան օրվա առթիվ | |
Հոկտեմբեր 07, 2011 | 11:51
Հայաստանի նախագահ Սերժ Սարգսյանն այսօր` հոկտեմբերի 7-ին, շնորհավորական ուղերձ է հղել Ռուսաստանի վարչապետ Վլադիմիր Պուտինին՝ ծննդյան օրվա առթիվ` մաղթելով նրան քաջառողջություն, բարօրություն եւ հաջողություններ գործունեության մեջ: Նախագահի մամուլի գրասենյակիցNEWS.am-ին հայտնում են, որ շնորհավորական ուղերձում, մասնավորապես, ասվում է. «Հարգելի՛ Վլադիմիր Վլադիմիրի, Ընդունեք անկեղծ շնորհավորանքներս Ձեր ծննդյան տարեդարձի առթիվ: Վստահ եմ, որ Ձեր քաղաքական մեծ փորձառությունը, նախանշված նպատակներին հասնելու հետեւողականությունը հետագայում եւս կծառայեն Ռուսաստանի Դաշնության զարգացմանն ու բարգավաճմանը, միջազգային ասպարեզում նրա հեղինակության եւ դերակատարության առավել ամրապնդմանը: Գոհունակությամբ կարող եմ նշել, որ հայ-ռուսական ռազմավարական համագործակցության հարցերը մշտապես գտնվել են Ձեր սեւեռուն ուշադրության ներքո: Դժվար է գերագնահատել Ձեր անձնական ներդրումը փոխադարձ աջակցության ու համագործակցության վրա հիմնված հայ-ռուսական դաշնակցային փոխգործակցությունը եւ գործընկերությունը բոլոր ուղղություններով զարգացնելու մեջ: Այն բխում է Հայաստանի եւ Ռուսաստանի ժողովուրդների շահերից եւ նպաստում Հարավային Կովկասում անվտանգության եւ կայունության պահպանմանը: Բարձր եմ գնահատում մեր միջեւ ստեղծված անձնական վստահելի եւ սերտ հարաբերությունները, որոնք, անկասկած, նպաստում են եւ կնպաստեն ի շահ մեր պետությունների ժողովուրդների կայացվող կարեւոր պայմանավորվածությունների հետագա իրագործմանը: Հուսով եմ, որ այդ կառուցողական երկխոսությունը կշարունակվի Երեւանում եւ Մոսկվայում նոր հանդիպումների ժամանակ: Սրտանց ցանկանում եմ Ձեզ, հարգելի՛ Վլադիմիր Վլադիմիրի, քաջառողջություն, բարօրություն եւ հաջողություններ Ձեր գործունեության մեջ` ի շահ եղբայրական Ռուսաստանի»: | |
|
Всего комментариев: 0 | |