Կիրակի օրը` հոկտեմբերի 16-ին Կանադայում Տորոնտոյի մարաթոնին կմասնակցի 100-ամյա վազորդը, ով մտադիր է գրանցվել Գինեսի ռեկորդների գրքում:

Ծագումով հնդկաստանցի, բրիտանական քաղաքացիությամբ Ֆուջա Սինգհն արդեն մասնակցել է յոթ մարաթոնի,  իսկ 2003 թ-ին դարձել է ռեկորդակիր 90 -ից բարձր մարզիկների շրջանում` ավելի քան 42 կիլոմետրը հաղթահարելով  5 ժամ  40 րոպեում, հաղորդում է korrespondent.net-ը:

Այդ պահից ի վեր նրան չի հաջողվել հաղթահարել մարաթոնյան հեռավորությունը, սակայն այս անգամ նա վճռական է  հասնել մինչեւ վերջ:

Տաքանալու համար նա վազել է 5  կմ եւ վստահ է, որ կարող է դառնալ աշխարհում առաջին մարդը, ով մարաթոնյան տարածությունը կհաղթահարի 100  տարեկանում: