16:16 Ճապոնական Սապորո քաղաքում արջեր են զբոսնում | |
Հոկտեմբեր 09, 2011 | 00:14 Խոշոր հետքեր, ջարդված ապակե դռներ, շրջված աղբամաններ, որոնց մեջ ինչ-որ բան են փնտրել... Ճապոնական Հոկայդո կղզում գտնվող Սապորո քաղաքի բնակիչները պատմում են, որ գիշերը գորշ արջեր են հայտնվում քաղաքում` սնունդ գտնելու համար, գրում է ֆրանսիական «Le Figaro»-ն: Բնակիչներին արջերի ի հայտ գալն անհանգստացնում է, հատկապես, որ նրանց նկատել են նաեւ դպրոցների մոտ: «Դա ավտոբուսի կանգառի մոտ էր, ես մտածեցի հաճախորդ է»,- պատմել է մի տաքսու վարորդ: Ընդհանուր առմամբ շաբաթվա ընթացքում արջերի տեսել են 13 անգամ, սակայն նրանց ճիշտ թիվն իմանալ հնարավոր չէ: Կենդանիները 50 սմ-ից 2 մ են, դրանցից մեկին նկարահանել է տաքսու վարորդը: Իշխանությունները քաղաքացիներին կոչ են անում զգոն լինել եւ երեխաներին միայնակ փողոց չթողնել: Ոստիկանական մեքենաները պարեկություն են իրականացնում համապատասխան վայրերում, իսկ տեղական իշխանությունները ծրագրում են արջերին որսալ թակարդների միջոցով: Հոկայդո կղզու անտառներում արջերը մեծ թիվ են կազմում: Անտառները սահմանակից են բնակավայրերին, ուստի, ըստ ճապոնական ԶԼՄ-ների, հավանաբար վատ եղանակային պայմանների պատճառներով կաղինը նվազել է անտառներում, եւ կենդանիներն ստիպված են կեր փնտրել բնակելի վայրերում: | |
|
Всего комментариев: 0 | |