12:31 Վանի երկրաշարժը Թուրքիայի վրա 2.2 մլրդ դոլար կարժենա | |
Հոկտեմբեր 26, 2011 | 13:11
Վանի երկրաշարժից հետո ավերված բնակֆոնդի եւ ենթակառուցվածքների վերականգնումը կարժենա նվազագույնը 2.2 մլրդ դոլար, հաղորդել է «Հեբեր Թյուրք» հեռուստաալիքը: Ընդհանուր առմամբ` Վանի նահանգում պետք է կառուցվի 80 հազ. շինություն` մոտ 6 մլն քմ մակերեսով: Հատկանշական է, որ բնակարանային շինարարությամբ զբաղվող թուրքական ընկերությունները պատրաստակամություն են հայտնել 1 տարի ժամկետով, երկրաշարժից տուժածներին ապահովել բնակարանով այլ քաղաքներում` Ստամբուլ, Իզմիր եւ այլն: Մասնագետների գնահատմամբ` Վանում փլվել են միայն այն շինությունները, որոնք կառուցվել են սեյսմակայունության նորմերի խախտմամբ: Այդ պատճառով Թուրքիայում ներկայումս քննարկվում է օրինագիծ, ըստ որի տույժեր են սահմանվում այն ընկերությունների համար, որոնք շինության ինքնարժեքը նվազեցնելու նկատառումով նվազեցնում են նաեւ սեյսմակայունությունը: Ներկայում Վանում երկրաշարժից տուժածները բնակվում են վրաններում, որոնց թիվը արդեն հասնում է 20 հազարի: Ավելի վաղ NEWS.am-ը հայտնել էր, որ հոկտեմբերի 23-ին Վան քաղաքի մերձակայքում տեղի է ունեցել ավերիչ երկրաշարժ: Պաշտոնական տվյալներով` 459 մարդ զոհվել է, իսկ 1352-ը` վիրավորվել: | |
|
Всего комментариев: 0 | |