Microsoft Windows 7 օպերացիոն համակարգն իր ժողովրդականությամբ առաջ է անցել վերջին տարիներին աշխարհում ամենահաջողակը համարվող օպերացիոն համակարգից`  Windows XP-ից:

Ինչպես փոխանցում է nvworld.ru-ն,  առաջատարների փոփոխությունը տեղի է ունեցել  հոկտեմբերի կեսերին: StatCounter-ի տվյալներով`  Windows 7 –ի շուկայական մասնաբաժինը  անցել է 40%-ը`  Windows XP-ին թողնելով 38,62%-ի վրա:

Երրորդ տեղում է Windows Vista-ն` զբաղեցնելով շուկայի 11,18%-ը, չորրորդ տեղում է  Mac OS X –ը` 7,3% չափաբաժնով: Հնգյակը եզրափակում է  եւս մեկ «խնձորային» համակարգ` iOS-ը` 1,1%-ով: