21:45 Յուրա Մովսիսյան. Մենք անհամբերությամբ կսպասենք հաջորդ ընտրական մցաշարին | |
Հոկտեմբեր 12, 2011 | 17:29
Հայաստանի հավաքականի ռմբարկու Յուրա Մովսիսյանը Իռլանդիա - Հայաստան խաղից հետո հայտարարել է, որ հայկական թիմն ավելի շատ հպարտ է, քան զայրացած մի խաղում, որտեղ հավասար հնարավորություններ ուներ մինչեւ Ռոման Բերեզովսկու հեռացումը, հաղորդում է «Irish Examiner» թերթը: Մովսիսյանն ակնարկել է 2009-ի փարիզյան իրադարձությունները, երբ Թիերի Անրին ձեռքով խաղից հետո գնդակ խփեց, իսկ Իռլանդիան զրկվեց աշխարհի առաջնությունից: «Հաշվի առնելով այն, թե ինչ է պատահել Իռլանդիայի եւ Անրիի միջեւ` ես կարծում եմ, որ հաջողությունը ժպտաց մրցակցին, սակայն ես, իսկապես, չեմ ցանկանում ամբողջ պատասխանատվությունը դնել մրցավարի վրա»,- ասել է Մովսիսյանը: «Մրցավարը պետք է նախ ձեռքով խաղ արձանագրեր Սայմոն Քոքսի կողմից, մինչեւ դարպասապահին կարմիր քարտ ցույց տալը: Վստահ եմ` 11-ը 11-ի դեմ եթե խաղայինք, ապա կկարողանայինք ցուցադրել այն, ինչ նախորդ խաղերում էինք ցուցադրել: Սակայն սա ֆուտբոլ է: Մրցավարի սուլիչից հետո մնում է միայն գլուխը բարձր պահել: Արժանին պետք է մատուցել նաեւ դարպասապահ Արսեն Պետրոսյանին, որը այդքան մարդկանց առջեւ ֆանտաստիկ աշխատանք կատարեց: Այդ խաղից հետո մեր թիմն ավելի շատ հպարտ է, քան զայրացած: Մեկ տարի առաջ, այսպիսի իրավիճակում ոչ ոք մեզ չէր հավատա: Ես կարծում եմ, որ մենք կարողացանք Հայաստանի համար տեղ ապահովել ֆուտբոլային աշխարհի քարտեզում: Իհարկե, մենք հիասթափված ենք, բայց ես հպարտանում եմ մեր ֆուտբոլիստներով: Մենք անհամբերությամբ կսպասենք հաջորդ ընտրական մցաշարին»,- նշել է Յուրա Մովսիսյանը: | |
|
Всего комментариев: 0 | |